... .هذيان قلب لوعه الحب .....

[center]..
[color=purple]

اسعد الله اوقاتكم بكل الود
وعطركم بشذى الورد

اشتاق للجميع هنا وابعث الي ارواحهم الطاهره
ارق التحايا الاخويه بعبق الطهر
الكامن في قلوبكم هاقد عدت
بخربشات قلمي ونزف قلبي المهترء
لعلها تنال جزء من رضاكم احبابي وذاك الاهم

يابنت العنبو حبك مايجي من وراهـ الا شقى
تعب حيرهـ وغيرهـ ذبحتيني انتهى عمري وش بقى

تعالي بنفسك وشوفي
تعالي يمكن تروفي
تعالي كم تاهت بك حروفي
تعالي لا لا ماهي ظروف
لاتقول ظروفي

الا حرايق مشاعر تلهب بجوفي
تشعلين النار وتقولين وشفيك
غريبه قصتك وياي يومك تقولين اداويك
ابدما ابي لك دوى ماابي الا مفارق بلاويك
تعالي وشوفي

انا جالس مع زحمة بشر
ومن همي كني جالس لحالي

اشوف الناس تتقهوى فناجيل مبهرات القهاوي
وانا ارتشف فنجالي من دلة خيالي هموم الهقاوي

فنجالي الاول شربته
وانا على صهوة خيالي

وفنجالي الثاني تجرعته
علقم مرار بنكة ماجرالي

وثالث فناجيلي تغصبته
شري حنظل كذا تهيالي

مدري انت كذا ليه
مدري وشتقصدين

مدري غرور والا كبر
والا بالمشاعر تلعبين
موغريبه اشوفك تنتشين

كما نشوة عقيم بعد فتره
رزقها الله بذاك الجنين

وين كلامك وين شوقك
وين لذة هيامك والحنين

غريبه نظرتك
لك بالعيون نظره غريبه
ترد الشايب صبا ترده من مشيبه

غريبه بسمتك
ولك بالثغر بسمه غريبه
كنها قمر تجلى بنصف الشهرمن بعد غيبه

غريبه حروفك
ولك بالحكي هرجه غريبه
كنها حلى سكر بها صايم شق ريقه

واغرب صفاتك
لك معي قصه غريبه

تقولين اعشقك ولك بالعشق مية طريقه

اولهم بارعه تجيدين الدور كنه حقيقه
ولك فكر تاجر له بالتجاره جذور عريقه
ولك بالنعومه براءة طفله بالمهد توها رقيقه

اهــ كثيرهـ اوصافك شي ذكرته
وشي نسيته وشي ابد مااطيقه

آآآآهــــــــ يا نفسي آآآآهـــــ
توني دريت انك غريقه
غريقة حب في بحر الوهم
و امواجه تروالي حقيقه

ليه يانفسي ليه كذا بعد مامضى
عمري توك من سباتك مستفيقه

آآآهــــــــ كم توجعت وكم مره
تلوعت وحسيت بالقلب ضيقه

ليه يابنت انا عطيتك دنيتي بكل مافيها
وانت بشورك فبلتيها

اليوم بقول الاهـــ كم مرة برددها والحنها
واتنهدها مليون آآآهـــ واحط حرتي فيها

تدرين ليه .....
لاني توني عرفت عندك وش اكون
اناعندك مثل دمية طفل وبدميته مفتون
وانت ذاك الطفل

اللي بدميته لاهي ودايم يباريها
وبعد فتره يمل وبكل صوب يرميها

واذا طفل غيره بس بثواني اخذها
ثار صاحبها لهب نار وثار غيره

واندفع يصرخ ... جيبوها ابيها ابيها
خلوها تراني راميها بس ابيها
اتركوها لعبتي بكيفي برميها ومالكم شغل فيها

تدرين مسكين انا توني عرفت
عرفت بس بعد ايش بعد ماراح

عمري واحلى سنيني سلبتيها
يابنت هاك باقي سنيني
خذي اليوم باقيها
ماابيها ماابيها

واذا ماعاد تلزمك بس
ابي منك طلب والا رجا تكفين
بس هالخدمه تكفين سويها
بيدينك كفنيها وبمقابر الذكرى ادفنيها
واكتبي عليها
سنين مضت ضحت لي بكل مافيها
وانا ماعرفت كيف اوفيها
الا بهذا الكفن نويت اداريها

تكفين سويها
تكفين سويها

ربما يقول البعض طويله ولكن...
هاهنا اناستبيحكم عذرا للاطاله

لكم مني ارق التحايا الاخويه
دمعة قهر